အုပ်စုလိုက် အလင်းဝင်ကုန်ပြီ

ရေဖြူမြို့နယ်၊ ကလိန်အောင်မြို့အခြေစိုက် ခမရ ၄၀၉ တပ်ရင်းမှ စစ်မှုထမ်း တပ်သားသစ် ၂ ဦး သေနတ် ၂ လက်ယူဆောင် အလင်းဝင်

ရန်ကုန်၊ စက်တင်ဘာ ၂၀

တနင်္သာရီတိုင်း၊ ရေဖြူမြို့နယ်၊ ကလိန်အောင်မြို့အခြေစိုက် ခမရ ၄၀၉ တပ်ရင်းမှ စစ်မှုထမ်း တပ် သားသစ် ၂ ဦးက သေနတ် ၂ လက်ယူဆောင်လာပြီး အလင်းဝင်ခဲ့ကြောင်း ဒူရက စစ်ကြောင်း အဖွဲ့က သတင်းထုတ်ပြန်သည်။

စက်တင်ဘာလ ၁၉ ရက်နေ့ ရေဖြူမြို့နယ်၊ ကလိန်အောင်မြို့အခြေစိုက် ခမရ ၄၀၉ တပ်ရင်းမှ စစ်မှု ထမ်း တပ်သားသစ် အောင်မျိုးပိုင် နှင့် တပ်သားသစ် ဟိန်းမင်းသူတို့သည် စစ်မှုထမ်း သင်တန်း အပတ်စဉ် ၁၃ မှဖြစ်ကြောင်း၊ အလင်းဝင် တပ်သား ၂ ဦးက သေနတ် ၂လက်ယူဆောင်လာပြီး ဒူရက စစ်ကြောင်း အဖွဲ့ထံသို့ အလင်းဝင်ရောက်ခဲ့ကြောင်း သိရှိရသည်။

ထိုအလင်းဝင်ရောက်လာသော စစ်မှုထမ်းတပ်သားသစ် အောင်မျိုးပိုင် နှင့် တပ်သား ဟိန်းမင်းသူ တို့ MA-1 သေနတ် ၂ လက် ၊ ကျည်ဘောက် ၃ ခု၊ကျည် ၁၂၀ တောင့်နှင့်အတူ ဓဝယ်အမျိုးသားလွတ် မြောက်ရေးတပ်တော် (DNLA) ထံသို့ လက်နက်ချ အလင်းဝင်ရောက် လာခဲ့ကြောင်း သိရှိရသည်။

ထိုအလင်းဝင်ရောက်လာသော စစ်မှုထမ်း တပ်သားသစ် ၂ ဦးကို ဆုကြေးငွေကျပ် သိန်း ၅၀ ဆီ အသီး သီးဂုဏ်ပြုချီးမြင့်ပေးအပ်ခဲ့ကြောင်း၊ ထို့နောက် လွတ်မြောက် နေရာ တစ်ခုသို့ ပို့ဆောင်ပေးခဲ့ကြောင်းသိရှိရသည်။

တော်လှန်ရေးနှင့် စစ်ရေးအရှိန် မြင့်လာသည်နှင့်အမျှ ပြည်သူ့ဘက်၊ အမှန်တရားဘက် ရပ်တည်လိုသော စစ်ကောင်စီ မှ စစ်သည်တော်များ၊ ရဲတပ်ဖွဲ့ဝင်များကို ပြည်သူ့ရင်ခွင် ခိုလှုံ၍ အမြန်ဆုံး ပူးပေါင်းပေးကြပါရန် ဒူရက စစ်ကြောင်း အဖွဲ့က အသိပေးနှိုးဆော်ထားသည်။