နောက်တလှိုင်း မကြာခင်

တမူးနယ်က နမွန်းတားကျေးရွာကို တော်လှန်ရေးပူးပေါင်းတပ်များ ပြန်လည်ထိန်းချူပ်

ဩဂုတ်လ ၁၀ ရက်

စစ်ကိုင်းတိုင်း၊ တမူးမြို့နယ် နမွန်းတားကျေးရွာကို ဩဂုတ်လ ၇ရက်နေ့က တော်လှန်ရေးပူးပေါင်းတပ်ဖွဲ့များ ပြန်လည်ထိန်းချုပ်နိုင်ခဲ့ပြီလို့ သတင်းအရင်းအမြစ်များဆီက သိရပါတယ်။

ပြီးခဲ့တဲ့ ဩဂုတ်လ ၅ ရက်နေ့က စစ်ကောင်စီ၊ SNA၊ ပျူစောထီး၊ ကသည်းလက်နက်ကိုင်များက သာလွန်အင်အားအသုံးပြုပြီး တော်လှန်ရေးတပ်ဖွဲ့များ ထိန်းချူပ်ထားတဲ့ နမွန်းတားကျေးရွာကို အခုလိုထိုးစစ်ဆင် တိုက်ခိုက် ထိန်းချုပ်ထားတာဖြစ်ပါတယ်။

” စစ်အုပ်စုအဖွဲ့က ၅ရက်နေ့က စတင်ပြီး အင်အား ၁၀၀ ကျော်နဲ့ ထိုးစစ်ဆင်လာတာပါ။ ပထမ စစ်ကြောင်းက ၈၀ နဲ့ ထိုးစစ်ဆင်လာလို့ နောက်တက်လာမယ့်စစ်ကြောင်းကို ပိတ်ဆို့ထားတော့ အပိခံရတဲ့ စစ်ကြောင်းကို စစ်ကူ အဆက်မပြက် အလုံးအရင်းနဲ့ လာတော့ ‌ေခတ္တ လွတ်ထားလို့ နမွန်းတားကို နောက်ဆုတ်ပေးလိုက်ရတာပါ။ ၇ ရက်နေ့မှာ ကျတော်တို့သေချာစုဖွဲ့ပြီးပြန်လည် တိုက်ခိုက်တော့ ညနေပိုင်းမှာ စစ်အုပ်စုက နမွန်းတားကနေ ပြန်လည်ဆုတ်ခွာ သွားပါတယ်။ ၈ ရက်နေ့မနက်မှ ရှင်းလင်းရေး အပြီးသတ်လုပ်နိုင်လို့ အပြီးသတ် ထိန်းချုပ်ထားပါပြီ” လို့ တော်လှန်ရေးသတင်း အရင်းအမြစ်တစ်ဦးက Zalen ကိုပြောပါတယ်။

အဲဒီတိုက်ပွဲမှာ စစ်ကောင်စီဘက်က သေဆုံးသူ ၂၀ကျော်ရှိနေပြီး ထိခိုက်ဒါဏ်ရာ ရရှိသူ ၆၀ ကျော်ရှိကာ အရာရှိပိုင်းအချို့အပါ အပါဝင် အရောက် ၂၀ ကျော်ကို ယမန်နေ့ ဩဂုတ်လ ၉ ရက်နေ့မှာ ဟတ်စကီးနဲ့ လာသယ်သွားတယ် လို့ ဒေသခံများကပြောပါတယ်။

” တမူးဆေး ရုံရောက်တာ လူနာ ၆၀ ကျော်မယ်။ သေတဲ့ လူက ၂၀ ကျော်မယ်ဗျ။ အရေးကြီးတဲ့ လူကြီးပိုင်းထင်တယ်။ ဟတ်စကီးနဲ့ ဒီနေ့သယ်သွားကြပြီ” လို့ အမည်မဖော်လိုသူ တမူးမြို့ခံတစ်ဦးက Zalen ကိုပြောပါတယ်။

အဲဒီကိစ္စနဲ့ပတ်သက်ပြီး၊ တော်လှန်းရေးတပ်ဖွဲ့တစ်ခုကို ဆက်သွယ်မေးမြန်းကြည့်ရာ ” ကျွန်တော်တို့အနေနဲ့ အနေနဲ့ အသေးစိပ် ပြောခွင့်မရှိလို့ပါ” လို့ ပြောဆိုပါတယ်။

၄ ရက်တာတိုက်ပွဲမှာ စစ်ကောင်စီဘက်က အကျအဆုံး အများပြားရှိသလို တော်လှန်ရေး ပူးပေါင်းတပ်ဖွဲ့ဘက်ကလည်း ထိခိုက်၊ ကျဆုံးမှုရှိတယ်လို့သိရပါတယ်။

တမူးမြို့နယ်၊ နမွန်းတား ကျေးရွာတိုက်ပွဲမှာ စစ်ကောင်စီဘက်က ယမန်နေ့ က လေကြောင်းနဲ့ ၂ကြိမ် ဗုံးလေး လုံးကြဲချခဲ့တာဖြစ်ပါတယ်။

တမူးခရိုင်၊ တမူးမြို့နယ်မှာ တော်လှန်ရေးပူးပေါင်း တပ်ဖွဲ့များက နယ်မြေ အများစုကို ထိန်းချုပ်ထားပြီး စစ်ကောင်စီတပ်က တမူးမြို့နဲ့ နယ်ကျေးရွာ တစ်ချို့ကိုသာ ထိန်းချူပ်ထားတာဖြစ်ပါတယ်။

ပုံစာ – KNA-B ရဲဘော်များအားတွေ့ရစဉ်။
#ZL
#HlaingInfo