မော်လိုက်ခရိုင်တွင် “သိမ်းငှက်စစ်ဆင်ရေး” ကာလအတွင်း ပျူစောထီး စစ်စခန်း ၈ ခုကို သိမ်းပိုက်ရရှိခဲ့ပြီး စစ် သားနှင့် ပျူစောထီး ၁၀၀ ကျော်သေဆုံး၊ စစ်သုံ့ပန်းများနှင့်လက်နက်ခဲယမ်းအများအပြား သိမ်းဆည်းရရှိ
ရန်ကုန်၊ နိုဝင်ဘာ ၂၅
စစ်ကိုင်းတိုင်း၊ မော်လိုက်ခရိုင်တွင် “သိမ်းငှက်စစ်ဆင်ရေး” ကာလအတွင်း ပျူစောထီးစခန်း ၈ ခုကို သိမ်းပိုက် ရရှိခဲ့ပြီး စစ်သားနှင့် ပျူစောထီး ၁၀၀ ကျော်သေဆုံးကာ စစ်သုံ့ပန်းများနှင့် လက်နက်ခဲယမ်းအများအပြားသိမ်း ဆည်းရရှိခဲ့ကြောင်း မော်လိုက်တော်လှန်ရေး အင်အားစုမှ တာဝန်ရှိသူတစ်ဦးက ရန်ကုန်ခေတ်သစ် သတင်းဌာန ထံသို့ ပြောကြားသည်။
ယခုနှစ် ဩဂုတ်လမှ နိုဝင်ဘာလ ၂၄ ရက်နေ့အထိ မော်လိုက်ခရိုင်အတွင်း၌ “သိမ်းငှက်စစ်ဆင်ရေး” ဖော် ဆောင်ခဲ့ရာ စစ်သား၊ ပျူစခန်း ၈ ခုကို သိမ်းပိုက်နိုင်ခဲ့ပြီး ကျေးရွာပေါင်း ၁၇ ရွာကို စိုးမိုးထိန်းချုပ်နိုင် ခဲ့ကြေင်း၊ ယင်းတိုက်ပွဲများအတွင်း စစ်သား ၁၀၀ ကျော်သေဆုံးပြီး အများအပြားထိခိုက်ဒဏ်ရာရရှိ ကာ စစ်သုံ့ပန်းများ၊ လက်နက်ခဲယမ်းများလည်း အများအပြား သိမ်းဆည်းရရှိခဲ့ကြောင်း သိရသည်။
“ပထမ စခန်း ၅ ခုသိမ်းမိတာ တစ်ဖြတ်ပေါ့၊ နောက်ထပ်စခန်း ၃ ခုထပ်ရတယ်။ အောက်တိုဘာလ ၂၆ ရက်ကနေ နိုဝင်ဘာလ ၁၅ ရက်နေ့အထိ ဆွန်နန်း၊ အိုးဘို၊ ထိန်သာ ၃ ရွာ သိမ်းပိုက်ထိန်းချုပ်နိုင်ခဲ့ တယ်။ စစ်ဆင်ရေးကာလ ဒီနေ့ပဲ အပြီးရပ်လိုက်တာပါ။ ရန်သူဘက်က သာလွန်အင်အားနဲ့ ထိုးလာ လို့ ပြန်ဆုတ်ထားရတဲ့ အနေအထားပါ” ဟု မော်လိုက်တော်လှန်ရေးအင်အားစုမှ တာဝန်ရှိသူက ရန်ကုန်ခေတ်သစ်သတင်းဌာန ထံသို့ ပြောကြားသည်။
အဆိုပါ စစ်ဆင်ရေးကို မော်လိုက် တော်လှန်ရေး အင်အားစုများဖြစ်သည့် ခရိုင် တပ်ရင်း ၁၊ တပ်ရင်း ၂ ၊ တပ်ရင်း ၃ ၊ တပ်ရင်း ၄ ၊ မော်လိုက်မြို့နယ် ပြည်သူ့ကာကွယ်ရေးအဖွဲ့ -ပကဖ၊ ဖောင်းပြင်မြို့နယ် ပြည်သူ့ကာကွယ်ရေးအဖွဲ့(ပကဖ)၊ ပြည်သူ့လုံခြုံရေးတပ်ဖွဲ့ (ပလဖ) နှင့် ခရိုင်ကွတ်ကဲရေးရုံး တိုက် ခိုက် ရေးအဖွဲ့တို့ ပူးပေါင်းကာ တိုက်ခိုက်ခဲ့ခြင်းဖြစ်ကြောင်း သိရသည်။
တော်လှန်ရေးတပ်များ၏ သိမ်းငှက် စစ်ဆင်ရေးကာလအတွင်း သိမ်းပိုက်ရရှိခဲ့သော ပျူစခန်းများမှာ ထော်သာရွာ ပျူစောထီး စခန်း၊ အော်ဇီးခုံရွာ စခန်း၊ ညောင်ဝန်းရွာပျူစောထီး ဂိတ်စခန်း၊ နောင်ပိန်းရွာ စခန်းကုန်း၊ နားပင်ရွာ စခန်း ကုန်းနှင့် တောင်းအင်ရွာစစ်တပ်စခန်း၊ ဆွန်နန်းပျူစောထီးစခန်း၊ အိုးဘိုပျူစောထီးစခန်းနှင့် ထိန်သာရွာ ပျူစောထီးစခန်းတို့ဖြစ်ကြောင်း သိရသည်။
လက်ရှိအချိန်တွင် စစ်ဆင်ရေးနယ်မြေအတွင်းရှိ တောင်သူလယ်သမားများ စပါးရိတ်သိမ်းချိန်နှင့် ပြည်သူလူထု စစ်ဘေးရှောင်ရခြင်း အခက်ခဲများကို ငဲ့ညာထောက်ရှုသောအားဖြင့် သိမ်းငှက်စစ်ဆင် ရေး ထိုးစစ်ကို အထက်ညွှန်ကြားချက်အရ ရက်အကန့်သတ်မရှိ ရပ်တန့်လိုက်ခြင်းဖြစ်ကြောင်း အသိ ပေးထားသည်။
Leave a Reply