Uncategorized

စစ်တပ် စခန်း ၅ ခုကို သိမ်းပိုက်ရရှိ

KNU တပ်မဟာ ၅ နယ်မြေတွင် မေလတိုက်ပွဲများအတွင်း စစ်တပ်ဘက်မှ ၆၀ ဝန်းကျင် သေဆုံးထိခိုက်ဒဏ်ရာရရှိမှုရှိပြီး စစ်တပ် စခန်း ၅ ခုကို သိမ်းပိုက်ရရှိ

ရန်ကုန်၊ ဇွန် ၅

ကရင်ပြည်နယ်၊ KNU တပ်မဟာ ၅ နယ်မြေတွင် မေလတိုက်ပွဲများအတွင်း စစ်တပ်ဘက်မှ ၆၀ ဝန်းကျင် သေဆုံး ထိခိုက်ဒဏ်ရာရရှိမှုရှိပြီး စစ်တပ် စခန်း ၅ ခုကို သိမ်းပိုက်ရရှိကောင်း KNU မူတြော်က သတင်းထုတ်ပြန်သည်။

ကရင်အမျိုးသားလွတ်မြောက်ရေး တပ်မတော် (KNLA) အမှတ် ၅ တပ်မဟာလက်အောက်ခံတပ်ဖွဲ့ဝင်များ၊ ပူးပေါင်းတပ်ဖွဲ့ဝင်နှင့် အကြမ်းဖက်စစ်ကောင်စီ တပ်ဖွဲ့တို့အကြား မေလအတွင်း တိုက်ပွဲ ၁၀၇ ကြိမ်ဖြစ်ပွားခဲ့ပြီး အကြမ်းဖက်စစ်တပ်ဘက်က သေဆုံးမှုနှင့် ဒဏ်ရာရရှိမှုမှာ ၆၀ ဝန်းကျင်ရှိကြောင်း၊ တိုက်ပွဲများအတွင်း ကရင်အမျိုးသားလွတ်မြောက်ရေး တပ်မတော်နှင့်ပူးပေါင်းတပ်ဘက်က ဒဏ်ရာအနည်းငယ်ရရှိခဲ့ကြောင်း သိရှိရသည်။

မေလအတွင်း အကြမ်းဖက်စစ်တပ်၏ လေယာဉ်နှင့် ဗုံးကျဲမှုများကြောင့် ပြည်သူ ၈ ဦးထိမှန်ဒဏ်ရာရရှိခဲ့ကြောင်း ၊ ထို့ပြင် အကြမ်းဖက်စစ်ကောင်စီဘက်က တိုက်လေယာဉ်ဖြင့် ပေါင် ၅၀၀ အလေးချိန်ရှိ ဗုံးကြီး ၁၂ လုံးကျဲချခဲ့ပြီး အဆင့်မြင့် ဒရုန်းဖြင့် ဗုံးကြီးဗုံးငယ်စုစုပေါင်းအလုံး ၁၀၀၀ လုံး ဝန်းကျင်ကျဲချခဲ့သည့်အတွက် လူနေအိမ် ၁၆လုံး၊ စပါးကျည် ၁ လုံးထိမှန် ပျက်စီးခဲ့ကြောင်း၊ စိုက်ပျိုးရေးခြံမှ သီးနှံပင်များ ပျက်စီးခဲ့သည့်အပြင် အိမ်မွေးတိရစၧာန်များလည်းထိမှန်သေဆုံးခဲ့ကြောင်း သိရှိရသည်။

အကြမ်းဖက်စစ်ကောင်စီတပ်၏ တပ်စခန်း ၅ ခုဖြစ်သည့် ကျောက်ညှပ်-ဝါလူ (ခမရ-၄၃၄) ၊ တာဘူကျိုး( ခမရ-၄၃၄) ၊ ပန်ဟိုက်-ကဟီးကျိုး (ခမရ- ၄၃၄)၊ လယ်တိုး(ခလရ-၁၉) နှင့် နတ်တောင်-မောဖိုးကျိုး (ခမရ-၃၄၁) အခြေချစခန်းများမှ စစ်ကောင်စီတပ်ဖွဲ့ဝင်များ မေလအတွင်း အပြီးအပိုင်စွန့်ခွာသွားခဲ့ကြောင်း၊ ထိုပြန်လည်ရုပ်သိမ်းခဲ့သောစခန်းများမှ တပ်အင်အားများသည် ခေါပုတ် စခန်းတွင် ပြည်လည်ပူးပေါင်းအားဖြည့်တင်းနေကြောင်း သိရှိရသည်။

Leave a Reply

Your email address will not be published. Required fields are marked *